Super performancë e Milanit në Kupën e Italisë ku mposhti Sasuolon, kryesues në Serinë B, me rezultat të pastër 6-1 dhe kualifikohet pa shqetësime dhe përpjekje të tepruara për në çerekfinalen e kompeticionit ku do të gjejë njërën një mes Romës dhe Sampdorias të cilat do të përballen me njëra-tjetrën pas dy javësh. Tami Abraham nuhat aromë rikthimi në “Olimpico” dhe e këtë e dëshmoi në intervistën e dhënë për televizionin e klubit kuqezi.

Goli i katërt në të gjitha turnetë, a po përmirësohet gjendja juaj?
Jam shumë i lumtur me fitoren ndaj Sasuolon dhe për të ndihmuar ekipin me gola dhe asiste. Duhet të vazhdojmë kështu duke filluar që nga ndeshja e radhës në kampionat.

Ndeshja kundër Atalantës, çfarë pengese mund të jetë për ju?
E dimë se janë një ekip i mirë, por tani duhet të rikuperohemi dhe të luajmë një ndeshje të madhe. Duhet të jemi gati sepse na nevojiten pikë për të ruajtur rimin në kampionat dhe vazhdimësinë që kemi gjetur në këto dalje të fundit në turnetë kemi marrë pjesë.

A shkoni mirë me Leaon?
Sigurisht që unë dhe Rafa kemi një lidhje dhe e stërvitim çdo ditë, ajo përmirësohet dita-ditës dhe kemi një kimi të mirë mes nesh. Edhe jashtë fushe jemi miq e kjo e ndihmon raportin tonë në ndeshje e sipër. Por, përgjithësisht me të gjithë shokët shkoj shumë mirë.

Keni folur me Boven, të cilin e kishit edhe te Roma?

Jam lutur për të. Ne të gjithë kemi parë disa lajme të këqija, por ai është mirë falë Zotit, unë do të kontaktoj me të sa më shpejt të jetë e mundur dhe shpresoj ta shoh përsëri në fushë.

Sa rëndësi ka qëndrimi në Milano për ju?
Dua gjithmonë të shënoj. Ndoshta deri tani nuk kam shënuar shumë dhe dua të bëj gola të tjerë me këtë ekip fantastik. Dua të ndihmoj Milanin sa të mundem. Askush nuk e ka parë cilësinë time të vërtetë, sepse unë ende nuk kam arritur të tregoj veten dhe atë që mund të bëj.

PANORAMASPORT.AL

The post Abraham: Mendjen e kemi tek Atalanta, Kupa thjesht një nga objektivat tanë appeared first on Gazeta Shqiptare Online.