Kreu i grupit parlamentar të Partisë Demokratike Gazment Bardhi, ka deklaruar se qyteti i Korçës, ashtu si e gjithë Shqipëria po vuan pasojat e shpopullimit.

Ai ka sjellë në vëmendje faktin që në këtë qytet qytetarët ankohen për kushtet e vështira ekonomike ndërsa tregtarët për rënien e fuqisë blerëse.

Në një postim në rrjetet sociale ai tha se 20 Shkurti, është moment reflektimi dhe proteste për çdo shqiptar, ndërsa i bëri thirrje shqiptarëve të jenë pjesë e protestës.

Postimi i plotë:

Në Korçë Ditë e Dielë, tregu dhe rrugët do duhej të ishin plot! Realiteti është krejt ndryshe. Tregtarët ankohen për rënien e fuqisë blerëse, ndërsa qytetarët ankohen për kushtet e vështira ekonomike. Qarku i Korçës, ashtu sikurse e gjithë Shqipëria po vuan pasojat e shpopullimit.
20 Shkurti, është moment reflektimi dhe proteste për çdo shqiptar! Ditën e martë, ora 17:30, të bëhemi bashkë përpara Kryeministrisë, të protestojmë për Shqipërinë, të protestojmë kundër keqqeverisjes së Edi Ramës.

Burimi informacionit @BalkanWeb: Lexo me shume ne : Bota Sot News botasot.co