Drejtuesit e Mançester Sitit duan që Pep Guardiola të marrë një vendim për të ardhmen e tij përpara Krishtlindjeve. Trajneri ka lënë të kuptohet se koha e tij në “Etihad Stadium” mund të jetë afër fundit të saj, ndërsa thashethemet vazhdojnë të qarkullojnë se katalanasi mund të marrë drejtimin e kombëtares së Anglisë.
Guardiola pranoi javën e kaluar se motivimi për të fituar një tjetër Premier Ligë nuk është aty për momentin. 53-vjeçari e bëri deklaratën e tij të guximshme me sigurinë se do ta rizbulojë atë uri për një titull të pestë radhazi kampion në muajin e fundit të sezonit.
Por ky qëndrim mund t’u japë tifozëve dyshime se në mendjen e Guardiolës ai po e konsideron të ardhmen e tij me”Qytetarët”.
Guardiola ka hyrë në vitin e fundit të marrëveshjes së tij aktuale me klubin e Mançesterit dhe pranoi sezonin e kaluar se ai është më afër largimit sesa qëndrimit.
Por tani “Sky Sports” ka zbuluar se shefat e Mançester Sitit i kanë dhënë menaxherit një afat për vendimin e tij, pasi ata kërkojnë të përgatiten për një largim të mundshëm të tij në fund të sezonit. Dhe duke ditur fatin e stolit të tyre në fund të dhjetorit, ata do të kenë kohën e mjaftueshme për të gjetur një zëvendësues të mundshëm.
PANORAMASPORT.AL
Burimi informacionit @Panorama.al: Lexo me shume ne :bota sot www.botasot.co
