Shqipëria do t’u rikthehet nesër garave në Lojërat Olimpike sërish me sportin e qitjes.Pasi e mbylli në vend të 43-të mes 44 konkurrenteve në disiplinën 10 metra pistoletë me ajër, Manjola Konini do të konkurrojë edhe në disiplinën 25 metra pistoletë, në prezicion dhe rapid, me garat që startojnë në orën 09:00. Më tej më 3 gusht në pistë do të zbresë atleti Franko Burraj, i cili do të mbyllë konkurrimet me ftesa të Shqipërisë në “Paris 2024”. Rekordmeni shkodran do ta nisë nga paraleminiatoret disiplinën e 100 metrave.

Më tej ekipi olimpik i Shqipërisë do të vijojë përfaqësimet me katër sportistët e kualifikuar me normë, ku dhe janë pritshmëritë më të mëdha olimpike. Atletja Luiza Gega do ta ketë garën kualifikuese në 3000 m/p më datë gusht. Ndërsa në datat 8, 9 dhe 10 gusht do të jetë radha për mundësit Zelimkhan Abakarov, Chermen Valiev dhe Islam Dudaev, sportistët me të cilët synohet zona e medaljeve, e cila do të ishte historike për Shqipërinë.PANORAMASPORT.AL

NDIQE LIVE “PANORAMA TV” © Panorama.al