Gjykata penale e Louvain dënoi të martën një shqiptar me katër vjet burg për 26 vjedhje, ku përfshihen nga kartat bankare, automjetet, bizhuter dhe shuma parash në të gjithë Belgjikën. Vjedhjet shqiptari akuzohet se i ka kryer midis prillit dhe tetorit 2021.

Individi tashmë ishte dënuar për vepra të ngjashme në Francë, Gjermani dhe Luksemburgu.

Vjedhja ishte një mjet jetese për individin, gjë që nuk e pengoi gjyqtarin ta konsideronte si të rrezikshëm në aspektin e sigurisë së qytetarëve. Në fakt, viktimat ndodheshin në shtëpitë e tyre gjatë disa vjedhjeve.

Hajduti, i njohur me disa pseudonime, udhëtonte në të gjithë vendin me automjete të pajisura me targa të vjedhura. Ai vizitoi veçanërisht Bilzen (provinca e Limburgut), Chaudfontaine (provinca e Lièges), Tervuren (provinca e Brabantit flamand) dhe Bastogne (provinca e Luksemburgut).

Çdo herë shkelësi thyente një dritare apo bravë të shtëpisë, kur nuk ishte makinë. Kështu ai mori kontrollin e makinave luksoze dhe modeleve më pak të shtrenjta.

Vjedhja e tij më e madhe e provuar është kryer më 21 maj 2021 në Bastogne, ku ka vjedhur bizhuteri me vlerë 30 mijë euro.

ADN-ja e tij u gjet në disa shtëpi dhe makina. Analizat e pamjeve të ANPR bënë të mundur identifikimin e disa targave të vjedhura dhe të instaluara në automjete të ndryshme të vjedhura.

Burimi informacionit @BalkanWeb: Lexo me shume ne : Bota Sot News botasot.co