Ish-kryetarja e Dhomës së Përfaqësuesve, Nancy Pelosi, luajti një rol të rëndësishëm në presionin e Presidentit Joe Biden për të dalë nga gara e vitit 2024, duke e paralajmëruar atë për pasojat e vazhdimit të fushatës së tij, raportoi NBC të hënën.

Pas javësh spekulimesh dhe presioni në rritje nga brenda partisë së tij, Biden njoftoi të dielën se nuk do të kandidojë për rizgjedhje dhe mbështeti zv/presidenten Kamala Harris që të bëhet kandidatja e Partisë Demokratike për zgjedhjet e nëntorit.

Sipas burimeve të NBC-së, Pelosi ishte një faktor kyç në “nxitjen” e Bidenit për t’u larguar. Ndërsa Pelosi nuk i bëri thirrje publikisht Bidenit të jepte dorëheqjen, ajo “punoi në heshtje” në prapaskenë, thanë burimet. Pelosi thuhet se foli me shumë ligjvënës të rangut të lartë dhe u kërkoi atyre të “thonë mendimin e tyre” për kandidaturën e Biden.

Tre burime i thanë gazetës se sa herë që çështja e tërheqjes së Bidenit nga gara fillonte të humbiste vrullin, Pelosi ishte ajo që “ndizte flakët” për ta rindezur atë.

“Unë mendoj se Pelosi vazhdon të tregojë se ka taktika mjeshtërore politike,” citohet të ketë thënë një ndihmës i udhëheqjes demokrate në Dhomën e Përfaqësuesve.

Të premten, më shumë se 12 demokratë të Kongresit iu bashkuan korit në rritje të ligjvënësve që i bënin thirrje Biden të tërhiqej si kandidati i partisë për shqetësimet e gjendjes së tij mendore dhe fizike.

Burimi informacionit @BalkanWeb: Lexo me shume ne : Bota Sot News botasot.co