Trajneri i “Tre Luanëve” Gareth Southgate ka thënë se është emocionalisht e pamundur që ai të marrë një “vendim logjik për momentin” nëse do të qëndrojë si trajner i Anglisë edhe nëse ai fiton Kampionatin Evropian.

Në një intervistë me Sky News përpara finales të së dielës me Spanjën në Berlin, Southgate këmbënguli se ai kishte “përmirësuar besueshmërinë” e futbollit anglez, pasi u ndje i lënduar nga kritikat më herët në turne për shkak të përparimit të ngadaltë të ekipit.

Southgate tregoi para turneut se mund të largohej nëse nuk e çon ekipin drejt lavdisë së Euros, shkruan Sky.

I pyetur se sa e vështirë do të ishte të largohej nëse ai arrin trofeun e tyre të parë që nga viti 1966, Southgate tha për Sky News: “Asgjë nuk është aq e vështirë, por emocionalisht do të ishte e pamundur për mua të merrja një vendim logjik në këtë moment, sepse fokusi im i vetëm për dy vjet ka qenë fitimi i këtij turneu .

Nuk e di se ku jam, veçse shumë i fokusuar në përgatitjen e ekipit për këtë lojë dhe i vendosur për të vazhduar t’i udhëheq ata në mënyrën se si kemi kaluar muajin e fundit”.

Më tej ai tekniku anglez vazhdon duke thënë: “Padyshim që mora detyrën për të ndihmuar në përmirësimin e futbollit anglez. Unë e di se çfarë do të thotë fitimi jo vetëm për publikun e gjerë në Angli, por veçanërisht për njerëzit e përfshirë në futbollin anglez – nga ata që zhvillojnë lojtarë të rinj deri tek ata që drejtojnë klube në çdo nivel të lojës. Me të vërtetë, unë mendoj se ne kemi përmirësuar besueshmërinë e futbollit anglez në mënyrën se si ai perceptohet në mbarë botën. Por në fund të fundit, derisa të fitohet ai trofe, atëherë do të ketë gjithmonë ato pyetje, si jashtë ashtu edhe brenda vendit, për atë që kemi bërë”.

Finalja e së dielës do të jetë ndeshja e 102-të e Southgate në krye të Anglisë dhe ai dëshiron të sigurojë fitoren.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co