Gazetari Aleksandër Çipa, njëkohësisht drejtor i News24, ka shprehur konsideratat e tij ndaj Aristir Lumezit, kryeredaktorit të gazetës Panorama, i cili u nda nga jeta në moshën 57-vjeçare, pas një sëmundje të rëndë.

Në rubrikën “Opinion” në News24, Çipa tha se ai ishte një gazetar që kurrë nuk mori një përgënjeshtrim gjatë punës së tij dhe ndërtoi një model që duhet ta kemi si shembull.

Çipa tha se ka punuar me Aristirin, duke theksuar më tej se ai kishte një korrektesë të dukshme që në distancë, kishte një kulturë të komunikimit me njerëzit, që rrallë mund ta gjesh në komunitetin tonë.

“Në planin profesional nuk e ndante raportin me leximin, kur iniciova krijimin e Unionit të Gazetarëve Shqiptarë ishte ndër të parët që u anëtarësua. Ai kishte një sqimë se si i përqasej tekstit autorial, mënyrën se si e peshonte tekstin, nga vlera dhe pesha specifike e tekstit. Ishte shumë qytetar se si ndërtonte batutën, përgjigjen, racional me fjalën, ishte engjëllor, nuk atakonte, madje edhe kur e bënte, kishte një mënyrë shumë elitare”, tha Çipa.

Dy dekada në shërbim të së vërtetës, kryeredaktori i “Panorama”, Aristir Lumezi u nda nga jeta pas një sëmundje të rëndë! I jepet sot lamtumira e fundit

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co