Talenti me origjinë shqiptare, Roko Vata, dhuroi spektakël mbrëmjen e djeshme me fanellën e Irlandës U-21 në duelin e vlefshëm për kualifikueset e Europianit të 21-vjeçarëve ndaj San Marinos, që përfundoi me rezultatin 0-7.
Djali i ish-kapitenit të Kombëtares shqiptare, arriti të shënonte plot 3 gola në këtë përballje, duke u zgjedhur dhe lojtari më i mirë i sfidës. Vata shënoi golin e katërt për Irlandën në minutën e 62-të, të pestin në minutën e 64-t si dhe golin e shtatë që vulosi sfidën në minutën 90+2.
Të shumta kanë qenë elozhet në rrjetet sociale, për talentin shqiptar që përfaqëson 21-vjeçarët e Irlandës, por ato që spikatën më shumë ishin fjalët e komentatorit italian, i cili tha: “Mama Mia, Roko Vata”. Ai iu referua gjuajtjes nga distanca në golin e tretë.
“Mama Mia, Rocco Vata”🤌
Enjoy Rocco’s hat-trick as much as the Italian commentators 💚
A great night for our Under-21s 🇮🇪#IRLU21 | #COYBIG pic.twitter.com/jBXojcxV8J
— Ireland Football ⚽️🇮🇪 (@IrelandFootball) March 22, 2024
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
