Kërcënimi nga terrorizmi në Danimarkë është shtuar gjatë vitit të kaluar dhe mbetet “serioz” tha të enjten agjencia kombëtare e sigurisë dhe inteligjencës (PET).

Një raport i ri nga PET përmendi incidentet në të cilat kopjet e Kuranit u përdhosën vitin e kaluar dhe konfliktin në Gaza si faktorët kryesorë që kanë kontribuar në rritjen e kërcënimit.

Numri i lartë i vdekjeve të civilëve në enklavën palestineze si rezultat i sulmeve ushtarake, për të cilat Izraeli pretendon se kanë për qëllim eliminimin e grupit militant Hamas, “ngjall emocione” te shumë njerëz, tha Michael Hamann, kreu i Qendrës për Terrorizëm të PET.

Lufta “përmban një potencial të rëndësishëm për radikalizim dhe mobilizim, i cili potencialisht mund të çojë në veprime spontane ose të planifikuara në Danimarkë, duke përfshirë sulmet terroriste,” paralajmëroi ai.

Burimi informacionit @BalkanWeb: Lexo me shume ne : Bota Sot News botasot.co