Inxhinieri Azmer Duleviç, në një lidhje me Skype në rubrikën Çështja e ditës nga Klevin Muka në News24, foli për abuzimet ndër vite tek Ujësjellësi.

Duleviç theksoi se tek Ujësjellësi ka pasur gjithmonë abuzime, pasi ka qenë një sektor, ku janë punësuar militantët dhe për rrjedhojë puna nuk ka qenë efikase. Inxhinieri shtoi se edhe pse situata me ujin në Shqipëri është e njëjtë, çmimi është rritur me 33 përqind.

“Ndërmarrjet e Ujësjellës Kanalizimeve kanë pasur keqmenaxhime, kjo vjen edhe nga investimet e gabuara. Kemi edhe shpërdorime. Ujësjellësit kanë shërbyer për të punësuar militantët, ku numri i punonjësve është i fryrë dhe për pasojë më shumë harxhohet për paga sesa për investime në infrastrukturë.

Edhe pse shoqëritë janë reduktuar, sërish situata mbetet e njëjtë. Shërbimi është njësoj, por uji është rritur 33 përqind”, u shpreh Duleviç.

(Balkanweb)

Burimi informacionit @BalkanWeb: Lexo me shume ne : Bota Sot News botasot.co