Mbështetësit e kandidatit për president të SHBA-së, Donald Trump, do të votonin për presidentin rus Vladimir Putin nëse suportojnë ish-shefin e Shtëpisë së Bardhë, ka deklaruar ish-sekretarja amerikane e shtetit Hillary Clinton.
Vërejtja e saj pasoi një takim mes kandidatit republikan dhe kryeministrit hungarez Viktor Orban në Florida të premten. Pas bisedimeve Orban u tha mediave se Trump kishte një “plan të detajuar” për t’i dhënë fund konfliktit në Ukrainë, i cili përfshinte ndalimin e ndihmës amerikane për Kievin.
“Po bëhet më e qartë çdo ditë: Një votë për Trump është një votë për Putin”, shkroi Clinton, e cila kandidoi dy herë për Presidencën si kandidate demokratike, në X (ish-Twitter).
Postimi shfaq gjithashtu një foto të Trump dhe Orban duke shtrënguar duart dhe përmban një mbishkrim “Trump nuk do t’i japë asnjë qindarkë Ukrainës – Kryeministri i Hungarisë Orban”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
