Juventusi është gati të bëjë një lëvizje shumë të rëndësishme në merkaton e janarit, duke afruar mbrojtësin austriak Kevin Danso nga radhët e Lens. Futbollisti vlerësohet si zëvendësuesi ideal i Bremer i cili do të qëndrojë për në kohë të gjatë larg fushave të lojës.

Megjithatë, zgjedhja e Juventusit duket shumë e veçantë, pasi Kevin Danso vetëm pak muaj më parë mund të ishte bërë lojtari i Romës, por nuk firmosi me verdhekuqtë pas disa problemeve në vizitat mjekësore. Klubet kishin gjetur akordin për 24,5 milionë euro dhe ai udhëtoi drejt Romës, i pritur në aeroport me entuziazëm nga tifozët.

Por më pas vizitat mjekësore sipas italianeve kishin zbuluar probleme me zemrën të futbollistit, për një vragë që nuk ishte konstatuar asnjëherë në testet e kryera në Francë.

Kjo bëri që Roma të anulonte marrëveshjen para firmës dhe Danso u kthye në Francë te Lens, ku qëndroi më shumë se një muaj larg fushave të lojës duke iu nënshtruar çdo testi të mundshëm. Megjithatë, asnjë prej tyre nuk përsëriti rezultatet e atij të kryer te Roma e si rrjedhojë, lojtari u kthye përsëri të luante me Lens rregullisht. Tani, duket se transferimi i tij drejt Italisë mund të bëhet realitet, por me fanellën e Juventusit.

PANORAMASPORT.AL

The post Roma e nxori në verë me probleme në zemër, Juventusi e pret krahëhapur në janar appeared first on Gazeta Shqiptare Online.