Presidenti i SHBA Joe Biden tha se ai është i vendosur të mos dërgojë trupat amerikane në Ukrainë në fjalimin e tij për gjendjen e vendit.

“Ata nuk po kërkojnë ushtarë amerikanë. Në fakt, nuk ka ushtarë amerikanë në luftë në Ukrainë. Dhe unë jam i vendosur të vazhdoj kështu,” tha ai.

Presidenti amerikan argumentoi gjithashtu se Kievi mund të fitojë konfliktin me Moskën nëse Shtetet e Bashkuara “qëndrojnë me Ukrainën dhe ofrojnë armët që i nevojiten për t’u mbrojtur”.

Lidhur me këtë, Biden i bëri thirrje edhe një herë Kongresit Amerikan që të mbështesë vendimin për ndarjen e një pakete të re ndihme për Ukrainën.

Joe Biden pretendoi se Ukraina mund të ndalojë Rusinë falë furnizimeve me armë të SHBA.

“Ajo që e bën momentin tonë të veçantë është se liria dhe demokracia janë nën sulm, si brenda dhe jashtë shtetit, në të njëjtën kohë. Jashtë shtetit, Putini i Rusisë është në marshim, duke pushtuar Ukrainën dhe duke mbjellë kaos në të gjithë Evropën dhe më gjerë. Nëse dikush mendon se Putini do të ndalet në Ukrainë, ju siguroj, ai nuk do ta bëjë. Por Ukraina mund ta ndalojë Putinin nëse ne qëndrojmë me Ukrainën dhe sigurojmë armët që i nevojiten për t’u mbrojtur”, tha ai në fjalimin e tij.

Burimi informacionit @BalkanWeb: Lexo me shume ne : Bota Sot News botasot.co