Komiteti i Ekzekutiv i Federatës Shqiptare të Futbollit zhvilloi ditën e premte mbledhjen e radhës në ambientet e Shtëpisë së Futbollit.
Në këtë mbledhje u miratuan të gjithë materialet për Asamblen e Përgjithshme të Zakonshme vjetore të Federatës Shqiptare të Futbollit dhe u morën vendime të rëndësishme që kanë të bëjnë me investimet në drejtim të infrastrukturës në disa qytete të vendit.
Ajo që ra në sy në këtë mbledhje në foton e publikuar nga FSHF-ja ishte prania e anëtarit Abdyl Kuriu, i cili është nën hetim nga prokuroria për falsifikim të notave, gjatë periudhës kur jepte mësim në Institutin e Sportit.
Madje si karshillik ndaj drejtësisë Armando Duka e kishte ulur të besuarin e tij në krah. Kujtojmë që ndaj Kuriut Insituti i Sporteve e ka përjashtuar nga institucioni.
Gjithashtu një tjetër anëtar i Komitetit Ekzekutiv të FSHF-së, Arben Dervishaj, ndodhet në burg për korrupsion, ndërkohë që Federata nuk ka marrë asnjë mase përjashtuese.
