Tirana edhe pse ishte pothuajse e kualifikuar për në gjysmëfinale që me rezultatin e sfidës së parë ndaj Kastriotit, edhe në ndeshjen e kthimit nuk e diskutuan kualifikimin. Bardheblutë barazuan me rezultatin 2-2 duke siguruar kështu biletën për në gjysmëfinalen e Kupës së Shqipërisë.
Pjesa e parë u mbyll me rezultatin 2-0, ku në minutën e 14-të ishte Hasani nga 11 metërshi i cili realizoi golin e parë dhe në minutën e 24-të ishte Najdovski i cili dyfishoi shifrat. Në minutën e 43-të, Arapi i Kastriotit la fushën pas ndëshkimit me kartonin e kuq.
Në pjesën e dytë, Iseni realizoi një autogol në minutën e 74-të duke e çuar rezultatin në 2-1. Disa minuta më vonë, në të 83-tën, ishte Ajazi nga Kastrioti i cili barazoi shifrat. Ky rezultat nuk ka mjaftuar për krutanët, pasi sfida e parë u mbyll me rezultatin 4-1.
Nga ana tjetër, Kukësi ka fituar me rezultatin 2-1 ndaj Teutës në sfidën e kthimit, por durrsakët janë ata që sigurojnë biletën tjetër të gjysmëfinales. Përballja e parë përfundoi me rezultatin 2-0 për durrsakët. Në sfidën e sotme, Gruda shënoi i pari për Teutën në minutën e 29-të të lojës. Në fillim të pjesës së dytë, në minutën e 58-të, ishte Rashiti i cili barazoi shifrat për verilindorët. Në minutën e 77-të Kukësi mbeti me 10 lojtarë pas kartonit të dytë të verdhë të marrë nga Shqiprim Taipi. Por, në minutën e 92-të, Gjelbrim Taipi i Kukësit shënon golin e përmbysjes së rezultatit, por verilindorët nuk mundën të kualifikoheshin për shkak të rezultatit të përgjithshëm.
