Këtë të dielë, Burreli dhe Korabi barazuan 1-1 në kuadër të javës së 11-të të Kategorisë së Parë në futbollin shqiptar. Dueli i zhvilluar në “Liri Ballabani” ka pasur skena të pabesueshme dhune, me lojtarët dhe stafet e dy skuadrave që janë përleshur mes tyre.
Një ndërhyrje e gabuar e vendasve në dëm të lojtarëve të Korabit ka bërë që situata për shumë minuta të dilte jashtë kontrollit, teksa në fushë veç dy skuadrave kanë hyrë edhe forcat e rendit.
Në shkallët e stadiumit tifozët kanë sharë me “libër shtëpie” miqtë, teksa nga përleshja mes lojtarëve ka pasur edhe të lënduar. Në pamjet më poshtë duket qartë se disa lojtarë janë fashuar.
