Në prag të derbit italian mes Juventus-it dhe Inter-it këtë fundjavë në Serie A, ish-trajneri Fabio Capello ka dhënë mendimin e tij për Sky Sport, duke analizuar ecurinë e dy skuadrave.
“Për mendimin tim Inter-i luajti një ndeshje të mirë kundër Bayern Munich, pati shanset e tij dhe askush nuk u dëmtuar. Inter është në një moment të shëndetshëm, nuk e di se si do të jetë Juventusi pas ndeshjes me PSG-në”, ka thënë Capello.
“Për sa i përket futbollit dhe taktikave, Inter-i tani ka marrë një rrugë, ata janë mjeshtrit e kësaj rruge dhe janë të bindur se është e duhura. Juventus-i po e kërkon, po përpiqet t’u besojë lojtarëve të rinj dhe do të shohim nëse do të vazhdojnë ta bëjnë këtë.
“Duhet të shohim se si do të dalë ky Juventus sepse nuk shihet as një lojë dhe as personalitet. Interi e di se çfarë duhet të bëjë, le të shohim nëse Juventus-i do të jetë në gjendje të gjejë rrugën e duhur”.
Kështu, do të shohim sesi do të dalin dy skuadrat në përballjen e madhe të së dielës në mbrëmje për javën e 13-të të kampionatit italian. Fjala i kalon fushës.
