Vetëm në Shqipëri mund të ndodhë një gjë e tillë në kampionatin elitar të futbollit. Gjatë ndeshjes së fundit të javës 5 të Kategorisë Superiore, Kukësi-Partizani e mbyllur me rezultatin 2-1, sulmuesi i miqve, Tedi Cara la fushën e lojës i dëmtuar nga një shishe e lëshuar nga tifozët vendas.
Episodi u regjistrua në minutën e 14 teksa lojtari i kuq po festonte poshtë tribunës pas golit fantastik që shënoi nga goditja e dënimit.
Cara pësoi një çarje në fytyrë dhe u detyrua të linte fushën e lojës për të marrë ndihmëm mjekësore në spital.
Sulmuesi i kuq është në gjendje të mirë shëndetësore ndërsa pjesa e dytë nisi me disa minuta vonesë për shkak të vonesës së ambulancës që transportoi pikërisht lojtarin e Partizanit.
Pas golit të Carës, Kukësi barazoi me Dacin por Bitri 15 minuta nga fundi i dhuroi 3 pikë skuadrës së Colella-s që rikthehet në krye të Superiores me 12 pikë. Kukësi mbetet në fund të klasifikimit me vetëm një barazim.
