FSHF-ja e Armand Dukës është përfshirë në fushatën elektorale për zgjedhjet lokale të 6 marsit.
Ndonëse Duka ankohet gjithnjë për ndërhyrje politike në futboll, zyrtarët e tij që e kanë të ndaluar në statut përfshirjen politike bëjnë të kundërtën, duke rrëzuar të gjitha pretendimet e institucionit të fubollit shqiptar se ata janë të pavarur nga politika.
Kandidati i PD për Bashkinë Shkodër, Xhemal Bushati, ka postuar një video të zv.trajnerit të kombëtares shqiptare Hamdi Salihi i cili ka bërë thirrje të gjithë qytetarëve shkodranë të votojnë për Xhemal Bushatin si një njeri që do të punojë e mendojë për Shkodrën.
“Për të qenë i sigurt që dikush do të punojë, mendojë ashtu siç unë do kisha punuar për Shkodrën kësaj here zgjedh Xhemal Bushatin. Le të mendojmë për Shkodrën, votojmë Xhemal Bushatin!”-thotë Salihi. /Gazeta Sport/
